w-inds
上個星期楊千嬅開演唱會，佢話自己表現都算唔錯，雖然有少少甩嘴，但係因為冇「Mon」提佢歌詞，完全係自己死記返嚟嘅！其實歌詞呢家嘢，又真係幾難記架！阿媽雖則鍾意用一句「記歌詞就咁叻，背書又唔見咁叻」嚟鬧人，但係每年有過百首歌派台，計埋國語歌，真係千首都嚟緊。所以為咗大家平時可以記實啲歌詞，下期有好嘢益大家，會隨書激送「國語Hit歌07大全」，等大家隨時隨地可以一詞在手，唱K都唔使睇「Mon」呀！絕對係周車勞頓、家居必備良冊！講開日韓台，真係忍唔住要率先爆俾大家知，嚟緊11月，日本勁Group w-inds.將會去到台灣開演唱會，〈yes!!〉又點會唔為香港w-inds.迷著想呀!? 千辛萬苦俾我哋撲到w-inds.台灣演唱會VIP門券4張！話明係VIP門券，就梗係超前排，而且係有錢都買唔到嗰隻喇！想要嘅話，就要留意下一期〈yes!!〉喇！記住呀！
[img]http://www.yesmagazine.com.hk/images/867/stuff/b1.jpg[/img]
頁:
[1]