31 December 2007 太陽報 Steven勇救 Mandy避過毀容
近日備受力捧的張致，除得到公司為他投資開拍新片外，就連為宣傳新片而推出的三款T恤中，亦只有他有份當「主角」。而宣傳期間，他自爆曾勇救蔣雅文免受毀容之苦。張致（Steven）、蔣雅文（Mandy）、湯怡及古宇昨日為英皇電影《惡男事件》宣傳。為配合宣傳攻勢，電影公司推出三款Q版造型限量版T恤，當中只有Steven的角色被睇中，其他三人則冇份。
得到公司厚愛，Steven大賣口乖表示往後會更加努力：「依家最希望新戲可以收到五百萬，咁我已經好滿足，不過票房當然係愈多愈好啦！咁我同老闆都有所交代。」新片首映在即，問Steven可有請前緋聞女友傅珮嘉出席時，他即說：「邊個緋聞女友？我有好多喎！之前同Mandy，依家同湯怡。（請晒所有緋聞女友？）總之請好多人，所有電話List人我都有傳短訊邀請。」此外，他表示拍攝該片時，因時間緊迫，故每天至少要工作18小時，更因而得了腸胃炎：「我算係好少少喇！記得有場戲講我同Mandy間學校度跑，點知佢跑跑腳軟跪低，好彩我拉一拉佢，如果唔係佢塊面就會剷落玻璃碎度。」
「裸照」帶挈新碟賣斷巿
對於早前被網友將新碟出浴的封面，移花接木到一個裸女上並當作遊戲一事，Mandy說：「可以話係因禍得福，因為多好多人搵我新碟呢個封面，依家好似賣斷市添！不過意識始終唔係太好，開頭都有少少嬲，但因為佢好快剷走，所以算啦！」
[IMG]http://i224.photobucket.com/albums/dd91/winterelsa/Mandy%20Photos/se09123101_big.jpg[/IMG]
Steven透露拍新片一場奔跑戲時，Mandy腳軟險剷落玻璃碎。
頁:
[1]